Anjel Arrospide Aurkia (Leaburu, Tolosaldea, 1956ko maiatzaren 25a) gipuzkoar aizkolaria da, 1990eko hamarkadako hoberenetakoa. Sei aldiz jarraian irabazi zuen Euskadiko Txapelketa 1990 eta 1995 artean.
1980an hasi zen aizkoran. Lehenbiziko saioa Leaburuko festetan egin zuen, Berastegiko gazte batzuekin. Lehen apostua, berriz, 1981ean jokatu zuen, Tolosan. 1990ean lortu zuen Euskadiko lehenbiziko txapela, eta beste lau irabazi zituen ondoko urteetan.
Sariak
- Munduko txapelduna 1988an Euskal Herriko taldearekin.
- Euskadiko Txapelketa (6): 1990, 1991, 1992, 1993, 1994, 1995
- Gipuzkoako Txapelketa (2): 1993, 1994
- Donostiako Urrezko Kopa (5): 1991, 1992, 1993, 1994, 1996
- Urrezko Aizkora:
- Banakakoa (0): bigarren 2009 eta 2010an
- Binakakoa (1): 2002 (Arria V.arekin).
- Euskal Pentatloi Txapelketa (1): 1985.
Inozentzio Munita Arizmendi (Leaburu, 1876 - Arama, 1958) gipuzkoar idazlea izan zen.
Aramako erretorea izan zen. Munitarena da Gure Mendi eta Oianak liburua (1952). Bertan zuhaitzei buruzko xehetasunak eman zituen, haien ezaugarriak eta zaintzeko moduak. Gipuzkeraz idatzita dago.