Ibilbideak

PR GI12: LEABURUKO IBILBIDEA (LEABURU- TXARAMA)

Leaburuko plazatik ekingo diogu ibilaldiari. Belauntzako bidegurutzera iristean aurreko bidea hartuko dugu, lehen bidegurutzean eskuinekoa hartuz. Laster aurkituko dugu Gabirondo baserria. Hortik errepideari jarraituko diogu Hostotxikira arte eta berta bertan dagoen Gazteluko hilerrira arte; hortik aparkalekura joko dugu eta ezkerretara egingo, pista bati jarraituz Erroizpe-Larte ingurura iristeko eta hortik Santiagoenea baserrira igotzeko.

Puntu horretara iristean, eskuinera egingo dugu eta pagadi baten gora joko dugu Endreki bordaraino. Datorren bidegurutzean ezkerreko bidea hartuz, zelai batetara iritsiko gara eta hor Lawson zipres batzuk eta Gabirondoko txabola ikusiko ditugu. Eskuineko bideak Errozpe mendira jotzen du. Alabaina, guk ezkerretara egingo dugu eta iturri ondora jaitsiz ur-depositura joango gara. Hortik erraz ikusiko dugu aurrez aurre Leaburu herria.

• Distantzia: 7,7 km
• Iraupena: 2 ordu eta 30 minutu
• Altuera: 290 metro
• Zailtasuna: ertaina